Dartma Tavan

Dartma tavan xüsusi materialın tavana gərilməsi ilə hazırlanan müasir tavan sistemidir. Əsas məqsəd həm estetik görüntü yaratmaq, həm də köhnə və problemli tavan hissələrini gizlətməkdir. Çatlamış səth, naqillər, borular və qeyri-bərabər hissələr bu sistem vasitəsilə tam görünməz olur.
Fərqli rəng, ölçü və dizaynlı dartma tavan modellərini müqayisə etmək istəyənlər MAQAZIN.AZ saytında müxtəlif seçimlərlə tanış ola bilərlər.

Dartma tavan növləri

Dartma tavanlar əsasən mat, parlaq, satin, şəkilli, 3D, 5D, ulduzlu və işıqkeçirən modellərə bölünür. Mat dartma tavan sadə və sakit görünüş istəyənlər üçün uyğundur. Çünki işığı çox əks etdirmir və tavanı boyalı səth kimi göstərir. Parlaq dartma tavan otağı daha geniş göstərmək üçün seçilir. Xüsusilə kiçik məkanlarda güzgüyə bənzər effekt yaradır. Satin model matla parlaq arasında yumşaq keçid verir. Çox göz yormur və səliqəli görünür.
Şəkilli və 3D dartma tavanlar daha çox fərqli dizayn istəyənlər üçün uyğundur. Amma burada əsas məsələ çap keyfiyyətidir. Ulduzlu tavanlarda işıq sistemi önə çıxır. İşıqkeçirən modellərdə isə materialın arxasında LED yerləşdirilir və tavan bütöv işıq paneli kimi görünür.

Dartma tavan qiymətləri və satışı

Sadə ağ mat dartma tavanlar adətən 1 kvadratmetr üçün 18 AZN-dən 25 AZN-ə qədər təklif olunur. Parlaq modellərdə qiymət orta hesabla 22 AZN - 30 AZN arasında dəyişir. Satin dartma tavanlarda isə 1 kvadratmetr üçün qiymətlər əsasən 28 AZN-dən başlayır. Şəkilli və foto çaplı modellərdə çap xərci əlavə olunduğu üçün qiymət 35 AZN - 60 AZN arası olur. Sadə spot işıqla hazırlanan tavanlarda əlavə xərc 5 AZN - 12 AZN arasında hesablanır. Gizli LED xətt istifadə edilən modellərdə isə ümumi qiymət daha yüksək olur.

Dartma tavan seçərkən nəyə diqqət etmək lazımdır?

Seçim zamanı əvvəlcə otağın ölçüsünə baxmaq lazımdır. Kiçik otaqda çox tünd və ağır dizayn tavanı aşağı göstərir. Geniş sahədə isə sadə ağ model bəzən çox boş görünə bilər. Mətbəx üçün asan silinən PVC material daha rahatdır. Hamamda isə nəmişliyə davamlı model seçilməlidir. Salon üçün işıqlandırma planı əvvəlcədən düşünülməlidir. Soradan spot və LED xətt əlavə etmək həm çətin, həm də baha başa gələ bilər.
Şəkilli model seçilirsə, təsvirin keyfiyyəti yoxlanmalıdır. Dartma tavanın uzun müddət problemsiz qalması üçün material nazik və qoxulu olmamalıdır. Montaj zamanı profil divara möhkəm bərkidilməlidir, əks halda kənarlarda boşalma yarana bilər.