Təhlükəsizlik sistemləri

Təhlükəsizlik sistemləri müxtəlif texniki vasitələrin və proqram həllərinin birgə işləməsi ilə insanların, obyektlərin və məlumatların qorunmasını təmin edir. Bu sistemlər təkcə baş verən hadisələri qeydə almaq üçün deyil, həm də təhlükəni vaxtında aşkar edib qarşısını almaq üçün istifadə olunur. Müasir dövrdə təhlükələr yalnız fiziki müdaxilə ilə məhdudlaşmır, icazəsiz girişlər, daxili nəzarətsizlik, texniki nasazlıqlar və insan səhvləri də ciddi risk yaradır. Məhz bu səbəbdən təhlükəsizlik sistemləri fərqli istiqamətlər üzrə qurulur.
Məqalənin davamında təhlükəsizlik sistemlərinin necə işlədiyini, təhlükəsizlik sistemlərinin növləri və MAQAZIN.AZ saytında qiymətləri öyrənəcəksiniz.

Təhlükəsizlik avadanlıqlarının növləri

Təhlükəsizlik sahəsində istifadə olunan avadanlıqlar konkret problemlərin həlli üçün seçilir. Video müşahidə kameraları obyekt daxilində baş verənləri qeydə alaraq sonradan araşdırma imkanı yaradır və qabaqlayıcı tədbir görür.
Siqnalizasiya sistemləri qapı və pəncərə açılması, hərəkət və ya şüşə qırılması kimi halları dərhal aşkar edib xəbərdarlıq verir. Girişə nəzarət sistemləri kart, şifrə və ya biometrik üsullarla keçidi məhdudlaşdırı. Bu isə iş yerlərində nəzarəti artırır. Turniketlər isə insanların axınını idarə edir və icazəsiz keçidi fiziki olaraq bloklayır. Yanğın və qaz detektorları isə həyat üçün təhlükəli vəziyyətləri erkən mərhələdə müəyyən edərək ciddi fəsadların qarşısını alır.

Təhlükəsizlik sistemlərinin qiyməti

MAQAZIN.AZ saytında IP kameralar əsasən 50 manatdan başlayaraq 500 manata qədər dəyişir. Yüksək çözünürlüklü modellər isə daha baha olur. Analoq kameralar 30-150 manat aralığında daha sərfəli seçim sayılır. Siqnalizasiya dəstləri 80 manatdan başlayır və sensor sayına görə 300 manata qədər yüksələ bilər. Giriş nəzarət sistemləri, kart və ya biometrik oxuyucular 120-600 manat arasında dəyişir. Turniketlər isə daha peşəkar avadanlıq olduğu üçün qiyməti 800 manatdan başlayıb 3000 manata qədər yüksələ bilir.

Seçim zamanı diqqət edilməli məqamlar

Təhlükəsizlik sistemi seçərkən ilk növbədə obyektin ölçüsü və risk səviyyəsi nəzərə alınmalıdır. Kiçik sahə üçün sadə kamera kifayət edə bilər. Lakin böyük obyektlər üçün kompleks sistem tələb olunur. Kamera seçərkən yalnız megapiksel göstəricisinə deyil, gecə görüntüsü və baxış bucağına diqqət etmək lazımdır.
Siqnalizasiya sistemində sensorların sayı və yerləşməsi əsas rol oynayır, çünki boş qalan zona təhlükə yaradır. Giriş nəzarət sistemlərində istifadə rahatlığı vacibdir. Çünki çətin sistemlər istifadədə problem yaradır. Turniket seçərkən isə keçid sürəti, material keyfiyyəti və sıx istifadə üçün uyğunluğu nəzərə alınmalıdır.