Siqnalizasiya sistemləri

Siqnalizasiya sistemləri müxtəlif sensorlar və idarəetmə bloklarından ibarət olan texniki qurğulardır. Həmin cihazlar baş verən hadisələri dərhal aşkar edib siqnal vasitəsilə bildirir. Bu sistemlər qapı, pəncərə, hərəkət, istilik, tüstü və qaz kimi fərqli mənbələrdən məlumat toplayaraq vəziyyəti nəzarətdə saxlayır.
Bu məqalədə siqnalizasiya sistemlərinin növlərini, MAQAZIN.AZ saytında qiymət aralıqlarını, seçim qaydalarını öyrənəcəksiniz.

Siqnalizasiya avadanlıqlarının növləri

Siqnalizasiya sistemləri müxtəlif komponentlərdən ibarət olur. Hər birinin funksiyası fərqlidir və düzgün seçim təhlükəsizliyin effektivliyini birbaşa müəyyən edir. Ən əsas avadanlıqlar hərəkət sensorlarıdır ki, onlar məkan daxilində hərəkəti aşkar edərək siqnal ötürür. Qapı və pəncərə sensorları isə icazəsiz açılma halını dərhal qeyd edir və xəbərdarlıq yaradır. Şüşə qırılma sensorları xüsusilə vitrin və ofislər üçün vacibdir. Çünki sındırılma cəhdini ani aşkarlayır.
Tüstü və istilik detektorları yanğın riskini erkən mərhələdə müəyyən edir. Qaz sızma sensorları isə görünməyən təhlükələri aşkar edir və böyük risklərin qarşısını alır. Mərkəzi idarəetmə paneli bütün bu sensorları birləşdirərək sistemin beyni rolunu oynayır və istifadəçiyə tam nəzarət imkanı verir. Siqnalizasiya və xəbərdarlıq qurğuları isə həm ətrafı xəbərdar edir, həm də psixoloji təsir göstərərək təhlükəni uzaqlaşdırır.

Siqnalizasiya sistemlərinin qiymətləri

MAQAZIN.AZ saytında mənzil üçün nəzərdə tutulan 3-4 sensorlu naqilsiz sistemlər 120-250 AZN aralığında olur. Əas ehtiyacları qarşılayır, orta səviyyəli sistemlərdə sensor sayı artır. GSM və mobil idarəetmə əlavə olunur və qiymət 300-700 AZN aralığında dəyişir.
Daha geniş obyektlər üçün nəzərdə tutulan professional sistemlər isə çox zonalı idarəetmə, əlavə təhlükəsizlik modulları və yüksək dəqiqlikli sensorlarla 800-1500 AZN və daha yuxarı qiymətə təklif olunur. Qiymətə brend, zəmanət müddəti və proqram təminatının imkanları da təsir edir.

Seçim zamanı diqqət edilməli məqamlar

Siqnalizasiya sistemi seçərkən qorunacaq məkanın xüsusiyyətləri nəzərə alınmalıdır. Çünki kiçik bir mənzil ilə geniş obyekt üçün tələb olunan sistem eyni olmur. Sensorların sayı və növü düzgün müəyyən edilməlidir. Artıq və ya çatışmayan komponentlər ya əlavə xərc yaradır, ya da riskləri artırır.
Naqilli və ya naqilsiz seçim isə istifadə rahatlığı və sabitlik baxımından qiymətləndirilməlidir. İdarəetmə imkanları da vacibdir. Mobil tətbiq və uzaqdan nəzarət funksiyası istifadəçiyə əlavə üstünlük verir. Sistemin yalnış siqnal vermə ehtimalı aşağı olmalıdır. Çünki bu həm narahatlıq yaradır, həm də etibarlılığı azaldır. Zəmanət və texniki dəstək imkanları da seçimdə nəzərə alınmalıdır.