Kamera sistemləri

Kamera sistemləri nəzarət və təhlükəsizlik məqsədi ilə istifadə olunan texniki avadanlıqlar. Bu sistemlər kameralar, qeyd cihazları və yaddaş qurğularından ibarət olur və işləyərək davamlı müşahidə imkanı yaradır. Kamera sistemlərinin üstünlüyü yalnız görüntünü qeydə almaqla məhdudlaşmır. Bu avadanlıqlar real vaxtda izləmə imkanı verir. İstifadəçi istənilən yerdən mobil telefon və ya kompüter vasitəsilə vəziyyətə baxa bilir.
Bu məqalədə kamera sistemlərinin növlərini, düzgün seçim qaydalarını, MAQAZIN.AZ saytında qiymətləri öyrənəcəksiniz.

Kamera sistemlərinin növləri

Kamera sistemləri istifadə məqsədinə və texnologiyasına görə fərqli növlərə ayrılır. Analoq kamera sistemləri sadə quruluşa malikdir və əsasən kiçik obyektlərdə istifadə olunur. Sabit işləmə qabiliyyəti ilə seçilir. IP kamera sistemləri daha müasir texnologiyaya əsaslanır və yüksək keyfiyyətli görüntü təqdim edir. Uzaqdan izləmə və əlavə funksiyalarla daha geniş imkan yaradır.
Hibrid sistemlər həm analoq, həm də IP kameraları birlikdə istifadə etməyə imkan verir və mövcud sistemi tam dəyişmədən təkmilləşdirmək istəyənlər üçün uyğun variantdır. WiFi kameralar kabelsiz işlədiyi üçün quraşdırma baxımından rahatdır. Lakin sabit internet bağlantısı tələb edir. PTZ kameralar isə fırlanma və yaxınlaşdırma funksiyası ilə geniş ərazilərə nəzarət üçün istifadə olunur və daha çox böyük obyektlərdə tətbiq edilir.

Kamera sistemlərinin qiymətləri və satışı

MAQAZIN.AZ saytında WiFi və ya IP kameralar təxminən 20 AZN-dən başlayır və 60-120 AZN aralığında geniş yayılıb. Məsələn 2MP IP kameralar 65-120 AZN civarında satılır. Daha keyfiyyətli və markalı modellər isə 120-200 AZN aralığında olur.
Daha yüksək performanslı kameralar, 4MP və yuxarı keyfiyyət təqdim edən modellər 150-300 AZN aralığında dəyişir. Bu kameralar daha geniş sahəni detallı şəkildə göstərir. Komplekt şəkildə satılan sistemlərdə isə qiymət kamera sayına görə artır. Məsələn 4 kameradan ibarət sadə dəstlər 300-400 AZN civarında olur. Daha güclü və yaddaşlı sistemlər isə 400-800 AZN aralığında dəyişir.

Seçim zamanı diqqət edilməli əsas məqamlar

Kamera sistemini seçərkən ən vacib məsələ istifadə məqsədinin düzgün müəyyən edilməsidir. Ev üçün sadə 2-4 kamera kifayət etdiyi halda, böyük obyekt üçün daha çox və yüksək keyfiyyətli sistem tələb olunur. Gecə görüntüsü olmayan kamera real təhlükəsizlik təmin etmir. Buna görə infraqırmızı və ya rəngli gecə rejimi olan modellər seçilməlidir. Uzaqdan izləmə funksiyası olmayan sistemlər artıq köhnə sayılır və telefonla izləmə imkanı mütləq olmalıdır.
Yaddaş müddəti də önəmlidir, ən azı 7-15 gün arxiv saxlayan sistem seçilməlidir. Kameranın bucaq dərəcəsi nəzərə alınmalıdır, dar bucaqlı kamera daha az sahəni əhatə edir. Əlavə kamera tələb edə bilər, geniş bucaqlı modellər isə daha effektivdir. Satıcı seçimi də vacibdir. Texniki dəstək olmayan yerdən alınan sistemdə problem yarananda istifadəçi tək qalır.