Darvaza

Darvaza həyət, qaraj, obyekt və müxtəlif ərazilərin giriş hissəsini bağlamaq üçün istifadə olunan konstruksiyadır. Əsas məqsəd təhlükəsizlik yaratmaq, giriş-çıxışı nəzarətdə saxlamaq və ərazini qorumaqdır. Seçim zamanı girişin rahat açılıb-bağlanması, materialın möhkəmliyi, paslanmaya qarşı qorunması və ölçünün düzgün götürülməsi nəzərə alınmalıdır.
MAQAZIN.AZ saytında darvaza növlər, satış qiymətləri və seçimlər haqqında məlumat əldə edəcəksiniz.

Darvaza növləri

Darvaza növləri içində ən çox seçilənlər sadə dəmir darvaza, list örtüklü darvaza, şəbəkə tipli darvaza, sürüşən darvaza, avtomatik motorlu darvaza və qaraj üçün hazırlanan modellərdir. Sadə dəmir darvaza əsasən möhkəmlik istəyənlər üçün uyğundur. Çünki profil və şveller qalın olduqda konstruksiya daha dayanıqlı olur. List örtüklü modellər həyətin iç hissəsini görünməz saxlayır və daha bağlı görünüş yaradır. Şəbəkə tipli darvazalar isə həm dekorativ görünür, həm də ağır metal işləmələr hesabına daha möhkəm hazırlanır. Sürüşən darvaza dar girişlərdə rahatlıq verir. Çünki açılmaq üçün qabağa və ya arxaya geniş yer tələb etmir.
Avtomatik darvazalar pultla idarə olunduğuna görə istifadə rahatlığı yaradır. Amma burada motor gücü darvazanın çəkisinə uyğun seçilməlidir. Qaraj darvazalarında isə əsas diqqət mexanizmə, yığılma formasına və kilidlənmə sisteminə verilməlidir.

Darvaza satışı və qiymətləri

MAQAZIN.AZ saytında darvaza qiymətləri ölçü, profil qalınlığı, istifadə olunan list və mexanizmə görə dəyişir. Sadə dəmir darvazalar 550 AZN-dən başlayır. Qalın profilli və list örtüklü modellərdə qiymətlər 650 AZN - 1200 AZN aralığında dəyişə bilir. Avtomatik motorlu sürüşən darvazalarda isə qiymət daha yüksək olur. Bəzi modellər 2000 AZN-dən yuxarı təklif edilir.

Seçim zamanı diqqət edilməli məqamlar

Darvaza alarkən əvvəlcə ölçü düzgün götürülməlidir. Səhv ölçü həm quraşdırmada problem yaradır, həm də əlavə xərc çıxarır. Profil qalınlığı mütləq soruşulmalıdır; 40/40 profil və 8-lik şveller kimi göstəricilər daha möhkəm konstruksiya üçün önəmli sayılır. Listin çox nazik olması darvazanın tez əyilməsinə səbəb ola bilər. Qaynaq yerləri səliqəli olmalı, menteşələr darvazanın çəkisini daşıya biləcək gücdə seçilməlidir.
Avtomatik sistem alınırsa, motorun daşıya bildiyi çəki və en göstəricisi darvazaya uyğun olmalıdır. Boya və antipas örtüyü də vacibdir. Pas problemi darvazanın həm görünüşünü, həm də ömrünü zəiflədir.