Divar kağızları

Divar kağızı divar səthini örtmək və görünüşünü dəyişmək üçün istifadə olunur. Boyadan fərqli olaraq üzərində naxış, tekstura və müxtəlif səth görüntüləri olur. Kağız, vinil, parça kimi fərqli materiallardan hazırlanır. Bəzi modellər silinə bilir, bəziləri isə yalnız dekor məqsədi daşıyır.
MAQAZIN.AZ saytında fərqli divar kağızı modelləri və qiymət aralıqları ilə tanış ola bilərsiniz.

Divar kağızı növləri

Vinil divar kağızları ən çox seçilən modellər arasındadır. Səthi qalın olduğu üçün silinməsi rahat olur. Mətbəx, dəhliz kimi tez çirklənən sahələrdə istifadə edilir. Kağız əsaslı modellərlə müqayisədə daha gec zədələnir. Fiberqlass divar kağızları isə səth möhkəmliyi ilə seçilir. Divarda çatlama problemi olan evlərdə daha çox istifadə edilir və uzunömürlü hesab olunur. Parça əsaslı divar kağızları görünüş baxımından daha fərqli effekt yaradır. Lakin təmizlənməsi çətin olur.
3D divar kağızları daş, taxta və kərpic görüntüsü yaratdığı üçün dekor görüntüsünü dəyişmək istəyənlər tərəfindən seçilir. Özündən yapışqanlı modellər isə əlavə yapışdırıcı tələb etmədiyi üçün quraşdırma baxımından rahat sayılır. Uşaq otaqları üçün hazırlanan modellərdə isə yuyula bilən səth və qalın material daha vacib hesab olunur.

Divar kağızı qiymətləri və satışı

MAQAZIN.AZ-da sadə kağız əsaslı divar kağızlarının bir rulonu 12 AZN ilə 25 AZN arasında dəyişir. Vinil modellərdə qiymətlər material qalınlığına görə əsasən 35 AZN-dən başlayaraq 90 AZN-ə qədər yüksəlir. 3D görüntülü və teksturalı modellərdə qiymətlər adətən 70 AZN ilə 160 AZN arasında olur. Fiberqlas divar kağızlarında isə möhkəmliyə görə qiymət daha yüksəkdir və bir rulon üçün 120 AZN-dən başlayan seçimlər mövcuddur.
Uşaq otaqları üçün xüsusi çaplı modellər əsasən 45 AZN ilə 110 AZN aralığında dəyişir. Silinə bilən premium modellərdə qiymət daha yüksək olsa da, sonradan dəyişmə və təmir xərci azalır.

Divar kağızı seçərkən diqqət edilməli məqamlar

Açıq rəngli divar kağızları kiçik otaqları daha geniş göstərir, amma tez kirlənir. Tünd rənglər isə işıq az olan sahələrdə otağı daha dar göstərə bilər. Böyük naxışlı modellər kiçik divarlarda qarışıqlıq yaradır. Dəhliz və giriş hissələri üçün qalın və silinə bilən modellər daha məqsədəuyğundur. Mətbəxdə nazik kağız əsaslı model seçilməsi sonradan şişmə problemi yaradır. Divarın ölçüsü düzgün hesablanmadıqda əlavə rulon almaq lazım gəlir və eyni seriya tapılmadıqda rəng fərqi ortaya çıxır. Seçim zamanı həm ölçü, həm material qalınlığı, həm də səthin təmizlənmə xüsusiyyəti birlikdə nəzərə alınmalıdır.
Divar kağızı vurulmazdan əvvəl divarın tam hamar olması vacibdir. Çat və qabarmanın üzərinə vurulan kağız sonradan açılmağa başlayır. Yapışdırıcı normadan artıq istifadə ediləndə tikiş hissələrində saralma yaranır. Xüsusilə qalın vinil modellərdə keyfiyyətsiz yapışdırıcı istifadə edilməsi bir neçə aydan sonra kənarların ayrılmasına səbəb olur. Təmizləmə zamanı sərt fırça və kimyəvi maddələrdən istifadə edilməməlidir.