Fotokamera

Foto və video avadanlıqları görüntünü keyfiyyətli şəkildə əldə etmək və onu yaddaşa yazmaq üçün istifadə olunan texniki vasitələrdir. Telefonla çəkilən görüntü çox vaxt işıq, fokus və sabitlik baxımından zəif olur. Bu avadanlıqlar isə həmin problemləri aradan qaldırır.
Bu məqalədə foto və video avadanlıqlarının növlərini, seçim qaydalarını və MAQAZIN.AZ saytında qiymətləri öyrənəcəksiniz.

Foto və video avadanlıqları növləri

DSLR kameralar daha çox peşəkar istifadəçilər üçündür. Əsas üstünlüyü tam nəzarət imkanıdır. İşıq, fokus, diafraqma hamısı əlində olur. Amma bu kameralar ağırdır. Mirrorless modellər son vaxtlar ən çox seçilən variantdır. Çünki həm güclüdür, həm də daşımaq rahatdır. DSLR kimi keyfiyyət verir, amma daha yüngüldür .Kompakt kameralar sadə istifadə üçün nəzərdə tutulub. Heç bir parametr bilmədən rahat istifadə etmək olur. Amma burada əsas problem odur ki, keyfiyyət və imkanlar məhduddur.
Videokameralar uzun çəkilişlər üçün daha stabil işləyir. Telefon və ya fotoaparat tez qızır və ya batareya tez bitir. Amma videokamera bu problemləri minimuma endirir. Aksiyon kameralar hərəkətdə çəkiliş üçün nəzərdə tutulub. Əsas üstünlüyü davamlılıqdır. Toz, su və zərbəyə qarşı dözümlü olur.

Foto və video avadanlıqlarının qiymətləri

MAQAZIN.AZ saytında fotoaparatlar 120 AZN-dən başlayaraq 450 AZN-ə qədər dəyişir. Aksiyon kameralar 130 AZN-dən 400 AZN-ə qədər olur. Sadə tripodlar 15 AZN-dən başlayır, mikrofonlar isə 20 AZN-dən tapılır. Orta seqment Mirrorless və DSLR modellər əsasən 600 AZN-dən başlayaraq 1400 AZN-ə qədər dəyişir. Daha yaxşı lenslər 200 AZN-dən 800 AZN-ə qədər olur. Videokameralar isə 700 AZN-dən başlayıb 1500 AZN civarına qədər yüksəlir.
Yüksək səviyyəli kameralar 1600 AZN-dən başlayaraq 5000 AZN və daha yuxarı qiymətlərə çatır. Peşəkar lenslər 1000 AZN-dən başlayıb bir neçə min AZN-ə qədər yüksələ bilər. Studiya işıq sistemləri 500 AZN-dən başlayır. Peşəkar mikrofonlar isə 300 AZN və daha yüksək olur

Foto və video avadanlığı seçərkən nələrə diqqət etməli?

Meqapiksel tək başına keyfiyyət demək deyil. Əsas fərqi yaradan sensor ölçüsüdür. Kiçik sensor zəif işıqda nəticəni aşağı salır. Böyük sensor isə daha təmiz və detallı görüntü verir. Lens keyfiyyəti də çox vacibdir, çünki kamera nə qədər güclü olsa da, zəif lens nəticəni korlayır. Bir çox istifadəçi bu hissəni nəzərə almır və sonra gözlədiyi nəticəni ala bilmir. Avadanlıq seçimində ən böyük səhv məqsədi nəzərə almamaqdır. Sadə çəkiliş üçün ağır və mürəkkəb kamera almaq həm istifadədə çətinlik yaradır, həm də tez kənara qoyulur. Ciddi çəkiliş üçün zəif model seçildikdə nəticə peşəkar səviyyədə olmur.
Bahalı model hər zaman daha yaxşı seçim deyil. Əsas məsələ qiymətə görə yox, ehtiyaca görə seçim etməkdir. Çox vaxt orta səviyyəli model istifadəçinin bütün tələblərini qarşılayır. Əlavə pul xərcləmək əvəzinə düzgün aksesuar seçmək daha faydalı olur.