Masaüstü Kompüterlər

İnsanlar məlumat əldə etmək, sənədlərlə işləmək, ünsiyyət qurmaq və müxtəlif proqramlardan istifadə etmək üçün kompüterə ehtiyac duyur. İstənilən mövzu üzrə məlumat tapmaq, onlayn dərslərə qoşulmaq və yeni bacarıqlar əldə etmək kompüterlə mümkündür. Bu da istifadəçiyə daha çevik və sərbəst inkişaf imkanı yaradır. Biri sadə internet istifadəsi üçün cihaz axtarır, digəri isə ağır proqramlar və ya oyunlar üçün güclü sistem istəyir. Yanlış seçim isə sonradan sürət problemi, donma və əlavə xərclər yaradır.
Bu məqalədə kompüter növlərini, düzgün seçim yollarını və MAQAZIN.AZ saytında qiymətə görə ən uyğun modeli tapmağı öyrənəcəksiniz.

Kompüter növləri

Masaüstü kompüterlər performans tələb edən istifadəçilər üçün ən stabil seçimdir. Çox proqram açanda donma olmur. Hissələri ayrıca dəyişmək mümkündür və uzun müddət problemsiz işləyir. Əgər montaj, dizayn və ya ağır proqramlarla işləyirsənsə, bu variant daha sərfəlidir. Noutbuklar istifadə üçün rahat həll yoludur. Enerji bloku, ekran və klaviatura hamısı bir cihazda olduğu üçün əlavə qurğuya ehtiyac qalmır. Əsas problem isə odur ki, güclü modellər bahalı olur. Sonradan təmir və ya yeniləmə məhduddur.
Oyun kompüterləri yüksək qrafika və sürət üçün yığılır. Burada əsas məsələ video kart və soyutmadır. Əgər oyun zamanı donma və ya qızma problemi yaşamaq istəmirsənsə, standart modellər yox, məhz bu modellərə baxmaq lazımdır. İş üçün kompüterlər əsasən stabil və səssiz işləməyə fokuslanır. Word, Excel, brauzer kimi proqramlar üçün yüksək gücə ehtiyac olmur. Burada vacib olan sürətli açılma, az enerji sərfiyyatı və problemsiz işləmədir.

Ən məşhur kompüter modelləri

Dell modelləri daha çox iş və stabil performans üçün seçilir, HP balanslı variant kimi həm iş, həm daimi istifadə üçün uyğundur. Lenovo isə uzunömürlü və praktik istifadə ilə tanınır. Daha premium seqmentdə isə Apple fərqli sistem və optimizasiya ilə seçilir. Dell XPS 15 həm güclü prosessor, həm də keyfiyyətli ekran ilə ağır proqramlarda stabil işləyir. Oyun və qrafika üçün isə Asus ROG Strix daha uyğundur. Çünki video kart və soyutma sistemi bu tip işlər üçün nəzərdə tutulub. Sadə istifadə üçün isə bu qədər gücə ehtiyac olmur və artıq pul xərclənmiş olur.
MacBook Air yüngül və səssiz işləməsi ilə seçilir. Çantada rahat daşınır və gündəlik istifadə üçün kifayətdir. HP Spectre x360 qatlanan ekranı ilə həm planşet, həm noutbuk kimi istifadə olunur.

Kompüterlərin satışı və qiyməti

Maqazin.a saytında sadə ofis kompüterləri 400-700 AZN aralığında, orta səviyyəli noutbuklar 800-1500 AZN, güclü və oyun üçün nəzərdə tutulan kompüterlər isə 1500-3500 AZN və daha yuxarı qiymətə satılır. Eyni qiymətə fərqli performans verən modellər olur. 1000 AZN civarında bir model sadəcə gündəlik işlər üçün uyğun ola bilər. Digəri isə daha güclü prosessor və SSD ilə daha sürətli işləyər. Bu səbəbdən seçim edərkən həm qiyməti, həm də daxili xüsusiyyətləri yanaşı qiymətləndirmək lazımdır.

Kompüter alarkən edilən səhvlər

Ən çox rast gəlinən səhv istifadə məqsədini nəzərə almadan seçim etməkdir. Sadə iş üçün güclü sistem almaq artıq xərcdir, ağır proqramlar üçün zəif kompüter seçmək isə donma və gecikmə deməkdir. Bəziləri yalnız görünüşə və ya reklama baxıb qərar verir, amma əsas olan daxili göstəricilərdir. Büdcəni düzgün bölməmək də ciddi problemdir. Bəzən insanlar ən ucuz variantı seçir və qısa müddətdə əlavə xərclə qarşılaşır. Ehtiyac olmayan xüsusiyyətlərə artıq pul vermək də doğru deyil.