Metal konstruksiya

Metal konstruksiya müxtəlif ölçü və formalarda hazırlanan, əsasən dəmir və polad profillərdən yığılan daşıyıcı sistemdir. Bu sistemlər anbar, qaraj, avtoservis, istehsalat sahəsi, ferma, mağaza və digər tikililərin qurulması üçün istifadə olunur. Metal kontruksiya alarkən insanların əsas problemi sonradan yaranan əlavə xərc, zəif material və düzgün hesablanmayan daşıyıcı sistemlər olur. Burada profil qalınlığı, qaynaq səviyyəsi, boya örtüyü, bolt sistemi və yük hesablaması birbaşa nəticəyə təsir edir.
MAQAZIN.AZ saytında metal konstruksiyanın növləri, satış və qiymətləri, hansı materialın daha uzunömürlü olduğu təqdim edilir.

Metal konstruksiya növləri

Metal konstruksiyalar istifadə məqsədinə görə fərqli formada hazırlanır. Ən çox seçilən növlər arasında anbar konstruksiyaları, ferma sistemləri, profil karkaslar, sendviç panelli obyektlər və metal dam konstruksiyaları yer alır. Anbar tipli konstruksiyalar iri sahələr üçün istifadə edilir və əsas məqsəd sütunsuz geniş daxili məkan yaratmaq olur. Qaraj və avtoservis üçün hazırlanan metal karkaslarda isə əsas diqqət avtomobil yükünə və dam örtüyünün davamlılığına yönəlir.
Ferma sistemlərində heyvan saxlanılan sahənin havalanması və yük daşıması vacib hesab edilir. Bir çox istifadəçi nazik profil seçərək qiyməti azaltmağa çalışır. Amma sonradan deformasiya problemləri yaradır.

Metal konstruksiya qiymətləri və satışı

MAQAZIN.AZ-da Sadə metal konstruksiya işləri üçün başlanğıc qiymətlər 20 AZN ilə 300 AZN arasında göstərilir. Metal talvar və kiçik konstruksiya işlərində qiymətlər 99 AZN-dən başlayır. Reşotka və məhəccər tipli metal işlərində isə kvadratmetr və istifadə olunan profil qalınlığına görə 35 AZN, 70 AZN, 120 AZN kimi qiymətlərlə qarşılaşmaq mümkündür. Modul tipli metal konstruksiya və prefabrik sistemlərdə kvadratmetr üzrə hesablanan qiymətlər də mövcuddur. Bəzi konteyner və prefabrik metal konstruksiya 1 kvadratmetr üçün 330 AZN nəzərdə tutulur.

Metal konstruksiya necə seçilməlidir?

Metal konstruksiya alarkən ilk baxılmalı məsələ profil qalınlığıdır. Bəzi hallarda görünüş eyni olsa da, istifadə olunan metalın qalınlığı fərqli olur. Bu fərq uzunmüddətli istifadədə ciddi problem yaradır. İkinci vacib məsələ qaynaq nöqtələridir. Səthi və zəif qaynaq sonradan çat yaradır. Üçüncü məsələ boya örtüyüdür. Keyfiyyətsiz boya bir müddətdən sonra qopur və metal paslanmağa başlayır. Bolt birləşmələrinin keyfiyyəti də vacibdir
Uzunömürlü istifadə üçün əsasən qalın divarlı profil, galvaniz örtük və paslanmaya qarşı boya sistemi seçilməlidir. Açıq sahədə istifadə ediləcək konstruksiyalarda antikorroziya qatının olması vacibdir. Nazik profillə hazırlanan konstruksiyalar ilk baxışda sərfəli görünür. Amma əyilmə və paslanma problemi daha tez yaranır. Metal qalınlığı az olduqda dam örtüyü və əsas karkas yükə tab gətirmir.