Notebook

Noutbuk daşına bilən kompüterdir. Masaüstü kompüterdə olduğu kimi əlavə avadanlıq tələb etmir, hər şey bir cihazda cəmlənir. Düzgün seçilmiş noutbuk işi sürətləndirir, səhvləri azaldır və vaxt itkisinin qarşısını alır. Sənəd hazırlamaq, onlayn dərslərə qoşulmaq, video izləmək və ya qazanc əldə etmək üçün ayrıca sistem qurmağa ehtiyac qalmır.
Bu məqalədə noutbuk növlərini, düzgün seçim qaydalarını və MAQAZIN.AZ saytında qiymətlərə görə hansı modelin daha uyğun olduğunu öyrənəcəksiniz.

Noutbuk növləri

Ofis və sadə istifadə üçün noutbuklar sənəd işi, brauzer, onlayn dərslər üçün kifayətdir. Əsas üstünlüyü odur ki, donmur, səssiz işləyir və əlavə gücə görə artıq ödəniş etmirsən. Oyun noutbukları isə güclü olur. Zəif model seçsən, oyunlar donacaq, qızma problemi olacaq. Oyun noutbuklarında güclü videokart, yüksək RAM və yaxşı soyutma sistemi olur. Video montaj, Photoshop, 3D işlər görürsənsə, adi model məsləhətli deyil. Dizayn və qrafika üçün noutbuklarda ekran rəngləri daha dəqiq olur, prosessor daha güclü seçilir.
Ultra nazik və yüngül modellər daşımaq rahat olsun deyə seçilən modellərdir. Amma burada balans vacibdir. Çox nazik model seçəndə bəzən performans aşağı olur.

Noutbuk qiymətləri

MAQAZIN.AZ saytında münasib qiymətə olan modellər 400 AZN-dən başlayır və 800 AZN-ə qədər davam edir. Bu qiymət aralığında olan modellər əsas işlər üçün uyğundur. Amma ağır proqramlar və oyunlar üçün zəif qalır. Orta səviyyəli noutbuklar 800 AZN-dən başlayaraq 1800 AZN-ə qədər dəyişir. Bu modellər daha sürətli işləyir, eyni anda bir neçə proqram açanda donma problemi yaratmır. İş, dərs və orta səviyyəli proqramlar üçün ən optimal seçim hesab olunur.
Premium modellərin qiyməti 1800 AZN-dən başlayır və 5000 AZN və daha yuxarı ola bilər. Bu noutbuklar yüksək performans, güclü videokart, keyfiyyətli ekran və uzunömürlü istifadə təqdim edir.

Noutbuk seçərkən nələrə diqqət etməli?

Prosessor zəifdirsə, ən sadə işlərdə belə gecikmə hiss olunur. Brauzer açmaq, proqram işlətmək belə ağırlaşır. Əgər yalnız sadə işlər görəcəksənsə, orta səviyyə kifayət edir. Az RAM olanda bir neçə proqram açanda donma başlayır. Minimum 8 GB rahat istifadə üçün lazımdır. 16 GB isə daha problemsiz işləmə verir. SSD olmayan noutbuklarda açılış və proqram yükləmə çox gec olur, buna görə SSD vacibdir.
Zəif batareya istifadəni məhdudlaşdırır. Şarj tez bitirsə, cihazı rahat istifadə etmək olmur. Uzun işləmə müddəti olan modellər daha sərfəlidir. Çünki daim adapter axtarmağa ehtiyac qalmır. Keyfiyyətsiz ekran göz yorur və uzun istifadə zamanı narahatlıq yaradır. IPS panel və Full HD ekran daha rahat görüntü verir. Xüsusilə çox baxılan cihazlarda ekran seçimi düzgün edilməlidir.