Planşetlər

Planşet və elektron kitab fərqli məqsədlər üçün istifadə olunan iki ayrı cihazdır. Planşet çoxfunksiyalı cihazdır. Yəni video izləmək, tətbiqlərdən istifadə etmək, dərs və iş görmək üçün istifadə olunur. Elektron kitab isə yalnız oxumaq üçün hazırlanıb və əsas üstünlüyü gözü yormayan ekranıdır. Planşetlərdə prosessor, RAM, kamera və tətbiq dəstəyi ön plandadır, yəni sürət və funksionallıq əsasdır. Elektron kitabda isə əsas məsələ ekran texnologiyası və batareya ömrüdür. Ona görə seçim zamanı ehtiyacları nəzərə almaq lazımdır.
Bu məqalədə planşet və elektron kitabların fərqlərini, növlərini, düzgün seçim qaydalarını və MAQAZIN.AZ saytında qiymətlərini öyrənəcəksiniz.

Planşet və elektron kitab növləri

Ucuz modellər sadə istifadə üçün nəzərdə tutulur. Amma zəif prosessor səbəbilə çox tətbiq açanda donur. Məsələn Samsung Galaxy Tab A8 kimi modellər sosial şəbəkə və video üçün uyğundur. Amma oyun və ağır proqramlar üçün uyğun deyil. Orta seqment planşetlər daha çox satılır. Çünki həm sürət, həm də qiymət balanslıdır. Xiaomi Pad 6 eyni anda bir neçə işi görmək üçün uyğundur. Donma problemi az olur. Apple iPad Pro həm qrafik işlər, həm də yüksək performans tələb edən tətbiqlər üçün problemsiz işləyir. Uzun müddət dəyişməyə ehtiyac qalmır.
E-ink texnologiyalı cihazlar göz ağrısı yaratmır. Amazon Kindle Paperwhite uzun müddət istifadə üçün daha rahatdır və tez-tez enerji yığmağa ehtiyac qalmır. LED ekranlı elektron kitablar planşetə bənzəyir, uzun oxu zamanı göz yorur. Lenovo Tab M10 kitabı digər tətbiqlərdən istifadə etmək istəyənlər üçün uyğun olur.

Planşet və elektron kitab qiymətləri

MAQAZIN.AZ saytında planşet qiymətləri 180 AZN-dən başlayır və 380 AZN-ə qədər davam edir. Bu aralıqda olan modellər əsas istifadə üçündür və ağır tətbiqlərdə zəifləmə verir. Elektron kitab cihazları isə 160 AZN-dən başlayır və 350 AZN-ə qədər dəyişır. Orta seqment planşetlər 420 AZN ilə 750 AZN arasında dəyişir. Premium planşetlər isə 850 AZN-dən başlayır və 2000 AZN-ə qədər yüksəlir. Elektron kitab cihazlarında orta seqment 350 AZN-dən 600 AZN-ə qədər olur, premium modellər isə 650 AZN-dən başlayaraq 900 AZN və daha yuxarı qiymətlərə çatır.

Planşet və elektron kitab seçərkən nələrə diqqət etməli?

Planşetdə böyük ekran video, dərs və iş üçün rahatlıq verir. Elektron kitabda isə əsas məsələ ekranın gözü yormamasıdır. Çünki uzun oxu zamanı parlaq ekran ciddi narahatlıq yaradır. E-ink ekranlı modellər burada daha üstün olur və real kitab hissinə yaxın təcrübə verir.
Planşetdə zəif batareya və aşağı performans istifadə zamanı donma və tez boşalma kimi problemlər yaradır. Güclü prosessor və kifayət qədər RAM olmadıqda tətbiqlər gec açılır və cihaz stabil işləmir. Elektron kitabda isə performansdan çox yaddaş və format dəstəyi önə çıxır.